محترم شیخ الوظائف صاحب السلام علیکم!میں ہر شب جمعہ آپ کی روحانی محفل باقاعدگی سے سنتی ہوں جس کی برکت سے زندگی میں پیش آنے والی الجھنوں ‘مشکلات اور بیماریوں سے چھٹکارا ملتا ہے۔چند سال قبل میری بیٹی کے چہرے پر بدنما نشان بن گئے۔ان کے خاتمہ کے لئے علاج معالجہ کرنے کی کوشش کی مگر فائدہ نہ ہوا۔اس کا حل بھی آپ کی روحانی محفل کے ذریعہ ہی ملا۔ان دنوں آپ نے ایک عمل کے بارے میں فرمایا کہ چہرے پر کسی بھی قسم کے نشانات ہوں تو روزانہ حسب استطاعت پیسے چہرے اور جسم پر پھیر لیں ‘ اس عمل کو روزانہ کریں ۔تھوڑے عرصہ بعد یہ پیسے کسی مستحق کو صدقہ کر دیں تو ان شاءاللہ چہرے پر موجود نشانات اور اگر اس کے علاوہ کوئی اور بیماری ہے تو وہ بھی ختم ہو جائے گی۔میں نے اس عمل کو اپنی بیٹی پر آزمایا تو تھوڑے ہی عرصہ میں اس کے چہرے سے نشانات بالکل ختم ہو گئے اور چہرہ صاف و شفاف ہو گیا۔ نظر کی کمزوری دور میری دونوں بیٹیوں کی نظر کمزور ہے‘انہیں عینک لگی ہوئی ہے‘نظر کی کمزوری کی وجہ سے پڑھائی میں بھی دشواری ہوتی تھی۔ان کی آنکھوں پر روزانہ حسب استطاعت نوٹ پھیرنا شروع کیے اور انہیں علیحدہ رکھ لیتی۔پھر چند دنوں بعد یہ نوٹ کسی مستحق کو دے دئیے۔اللہ کا شکر ہے نظر کافی بہتر ہو چکی ہے‘عینک کا نمبر بھی کم ہو ا ہے اور مزید بہتری بھی ہو رہی ہے۔ بیٹیاں جس سکول میں پڑھتی ہیں وہاں اکثر دکھیاری مائوں سے ملاقات ہوتی ہے‘انہیں عبقری رسالہ کے بارے میں اس میں شائع ہونےوالے وظائف کے بارے میں بتاتی ہوں جس سےانہیں بہت فائدہ ہوتا ہے اور وہ دعائیں دیتی ہیں۔

مسز اصغر‘راولپنڈی